सुनको मूल्य प्रतितोला ७ सय रुपैयाँले घट्यो

काठमाडौं । सुन मूल्य बिहीबार प्रतितोला ७ सय रुपैयाँले घटेको छ । बुधबार ९७ हजार २ सय रुपैयाँमा छापावाला सुन खरिद बिक्री भएको थियो ।

आज छापावाला सुनको प्रतितोला ९६ हजार ५ सय रुपैयाँमा खरिद बिक्री भएको नेपाल सुनचाँदी व्यावसायी संघले जनाएको छ ।

त्यसैगरी, तेजावी सुनको मूल्य प्रतितोला ९६ हजार रुपैयाँ कायम भएको छ । साथै, चाँदी प्रतितोला १ हजार ३ सय ४५ रुपैयाँमा खरिद बिक्री भइरहेको छ ।