टेकु रिङरोड फिडरबाट हुने यी क्षेत्रमा शुक्रबार र शनिबार दिनभर विद्युत काटिने

काठमाडौं । नेपाल विद्युत् प्राधिकरणले टेकु रिङरोड फिडरबाट प्रसारण हुने क्षेत्रमा शुक्रबार र शनिबार दिनभरी विद्युत् काटिने भएको छ ।

प्राधिकरणका अनुसार पुलचोक वितरण केन्द्र अन्तर्गतको टेकु रिङरोड फिडरबाट वितरित ११ केभी लाइनमा नयाँ फिडर तान्ने काम भएकाले विद्युत काटिने छ ।

प्राधिकरणका अनुसार यी क्षेत्रमा विहान १० बजेदेखि साँझ ५ बजेसम्म विद्युत् काटिने छ ।

विद्युत् काटिने क्षेत्रमा बागडोल एरिया आसपास, सनराइज टावर अफलडोल, सानेपा रिङरोड बाहिर, खाद्य गोदाम आसपास, चाइनिज क्याम्पस एरियालगायतका उक्त फिडरबाट सप्लाइ भएका क्षेत्रमा विद्युत् हुने छैन ।