एक सातामा सुनको भाउ साढे ३ हजारले बढ्यो

काठमाडौं । एक सातामै सुनको मूल्य साढे ३ हजार रुपैयाँले वृद्धि भएर तोलाको लाख रुपैयाँ नजिक पुगेको छ ।

आज (शुक्रबार) छापावाला सुनको मूल्य प्रतितोला ९९ हजार ३ सय रुपैयाँ निर्धारण गरिएको नेपाल सुनचाँदी व्यवसायी महासंघले जनाएको छ ।

गत शुत्रबार प्रतितोला ९५ हजार ३ सय रुपैयाँमा खरिदबिक्री भएको थियो । एक सातामै छापावाला सुनको मूल्य तोलामा ३ सय रुपैयाँले बढेकोे हो । साथै, तेजावी सुन आज प्रतितोला ९८ हजार ८ सय ६८ रुपैयाँमा खरिदबिक्री भइरहेको छ ।

यसगरी, चाँदीको मूल्य एकसातामा ५० रुपैयाँ वृद्धि भएको छ । गत साता प्रतितोला ११ सय ५० रुपैयाँमा खरिद बिक्री भएको चाँदीको मूल्य आज १२ सय रुपैयाँ निर्धारण गरिएको छ ।