काठमाडौं । आगामी आर्थिक वर्ष २०८३/८४ को बजेटका प्राथमिकता र कार्यक्रमबारे विस्तृत जानकारी दिन अर्थ मन्त्रालयले सञ्चारकर्मीहरूसँग विशेष अन्तरक्रिया कार्यक्रम आयोजना गर्ने भएको छ ।
अर्थमन्त्री डा स्वर्णिम वाग्लेले शुक्रबार संघीय संसद्मा प्रस्तुत गरेको बजेटका लक्ष्य, आर्थिक नीति र कार्यान्वयनका योजनाबारे सञ्चार माध्यमलाई सुसूचित गर्ने उद्देश्यले यो कार्यक्रम तय गरिएको हो ।
अर्थ मन्त्रालयका अनुसार बजेटका विविध आयाममाथि अर्थमन्त्रीसँग प्रत्यक्ष संवाद र जिज्ञासा राख्ने अवसर सञ्चारकर्मीहरूलाई प्रदान गरिनेछ ।
उक्त छलफल आइतबार दिउँसो ३ बजे मन्त्रालयको सूवर्ण हलमा हुनेछ ।
प्रतिक्रिया