अमेरिका र इजरायलसँग इरानका विषयमा छैन स्पष्ट रणनीति

एजेन्सी । अमेरिका र इजरायलसँग इरानविरुद्धको जीतको कुनै स्पष्ट सिद्धान्त वा योजना नरहेको विश्लेषकहरूले बताएका छन् ।

उनीहरूको युद्ध योजनामा समाधान गर्न निकै कठिन दुईवटा समस्याहरू देखिएका छन् ।

सम्भव भएसम्म आयातोल्लाहको शासन ढालेर इरानलाई द्वन्द्वरत राष्ट्रहरूको सूचीबाट स्थायी रूपमा हटाउनु अमेरिका–इजरायलले थालेको युद्धको उद्देश्य हो । त्यो सम्भव भएन भने इरानको क्षेप्यास्त्र भण्डार नष्ट गरेर उसलाई निःशस्त्र बनाउने लक्ष्य उनीहरूले निर्धाण गर्नेछन् ।

हवाई बमबारीबाट मात्र सत्ता परिवर्तन सम्भव छैन । यस्तो अहिलेसम्म कहिल्यै भएको छैन । जमिनमा खटिने सैन्य साझेदारहरू बिना त्यहाँको राजनीतिक विकासक्रमलाई नियन्त्रण गर्ने कुनै उपाय छैन । हवाई दबाब मात्र यस कार्यका लागि पर्याप्त छैन ।

कोही आफ्नो ठूलो परिमाणको गोलाबारुद खर्च गर्न तयार छ भने उसले राज्यलाई पंगु र खण्डित त बनाउन सक्छ । तर, त्यसले सम्भावनाको दायरालाई सीमित गर्नुको साटो झन् फैलाउँछ । पश्चिमा शक्तिहरूका लागि यो स्पष्ट जीतको बाटो होइन ।

दोस्रो समस्या अझ बढी तत्कालको छ । समस्या के हो भने इरानको हतियार भण्डार यति ठूलो छ कि अमेरिकाले उसलाई निःशस्त्र बनाउनै सक्दैन ।

उनीहरूले नागरिक संरचना जस्ता सजिला लक्ष्यहरूमा क्षति पुर्याउने गरी आक्रमण गरिरहेका छन् भने तेलका धनी राजतन्त्रात्मक देशहरूलाई कसरी जोगाउने ?

इरानले वित्तीय बजार, विश्व अर्थतन्त्र, ट्रम्पको राष्ट्रपतीय कार्यकाल र रिपब्लिकन पार्टीलाई एक पुस्तासम्मका लागि बर्बाद गर्नबाट कसरी रोक्नुहुन्छ ?

यहाँ तनाव निकै बढ्ने जोखिमहरू छन् । ह्वाइट हाउसले यहाँबाट बाहिरिने निकासको योजना बनाउन आवश्यक छ ।
जीतको कुनै स्पष्ट बाटो छैन र जोखिमहरू घण्टैपिच्छे थपिँदै गएका छन् । यसको अन्त्य कहाँ र कसरी हुन्छ भन्ने कुरा निश्चित छैन ।