गोदरेजले सार्वजनिक गर्‍यो २३४ लिटर नयाँ दुई ढोके शीत भण्डार यन्त्र

काठमाडौं, नेपाल – विश्वसनीय घरेलु उपकरणहरूको लागि प्रतिष्ठित ब्रान्ड गोदरेजले नेपाली बजारमा आफ्नो नयाँ दुई ढोके शीत भण्डार यन्त्रको सुरुवात गरेको छ।

नेपाली परिवारहरूको दैनिक आवश्यकता, जलवायु र जीवनशैलीलाई केन्द्रमा राखेर डिजाइन गरिएको यो उत्पादनले २३४ लिटरको क्षमतासँगै उन्नत स्वास्थ्य सुरक्षा र ऊर्जा दक्षता प्रदान गर्दछ।

यस गोदरेज आरटी जीएफई २५० नमुनाले नेपालमा हुने विद्युत् उतार–चढाव, खाना संरक्षणको चुनौती र स्वास्थ्य सुरक्षाको आवश्यकतालाई एकैसाथ सम्बोधन गरेको छ। यो शीत भण्डार यन्त्र मध्यम आकारका नेपाली परिवारहरूको हप्ताभरिको खाना आवश्यकतालाई पूरा गर्ने क्षमता राख्दछ।

प्रमुख विशेषताहरू
अन्तर्निर्मित स्थिरीकरण यन्त्रस् विद्युत् ग्रिडको अनियमित भोल्टेजबाट स्वचालित सुरक्षा प्रदान गर्दछ, जसले उपकरणको आयु लामो बनाउँदै मर्मतसम्भारको झन्झटबाट मुक्ति दिन्छ।
जीवाणु प्रतिरोधी प्रविधिस् खाना सामग्रीलाई हानिकारक जीवाणुबाट सुरक्षा गर्दछ, जसले परिवारको स्वास्थ्य कायम राख्छ।
व्यवस्थित र ठूलो भण्डारण क्षमतास् ३ वटा बलियो सिसाका तहहरू, १८ लिटरको तरकारी टोकरी र २।५ लिटर बोतल राख्ने तहले नेपाली परिवारको विविध खाना सामग्री व्यवस्थित राख्न सहज बनाउँछ।
ऊर्जा सक्षम बनावटस् आर ६०० ए शीतलक पदार्थ प्रयोगले लामो समयसम्म विद्युत् खर्च घटाउँदै वातावरणमैत्री कार्यसम्पादन दिन्छ।
स्लिम र टिकाउ बनावटस् १।४४ मिटर उचाइ, ५९।७२ सेन्टिमिटर चौडाइ र ६९।५० सेन्टिमिटर गहिराइको सडपातलो बनावटले भान्साको सीमित ठाउँमा पनि सहजै स्थान पाउँछ।

यो गोदरेज दुई ढोके शीत भण्डार यन्त्र स्वास्थ्यप्रति सचेत गृहिणीहरू तथा विद्युतीय समस्याबाट सुरक्षित टिकाउ उपकरण खोज्ने सबै उपभोक्ताहरूका लागि उपयुक्त छ। गोदरेज दुई ढोके शीत भण्डार यन्त्र नेपालभर उपलब्ध छ।

नेपालमा गोदरेज उत्पादनहरूको अधिकृत वितरक सिजी इलेक्ट्रोनिक्स हो, जसले देशव्यापी वितरण सञ्जाल र गुणस्तरीय सेवा प्रदान गर्दछ।

गोदरेज भारतको प्रतिष्ठित बहुराष्ट्रिय समूह हो, जसले १२५ वर्षदेखि विभिन्न क्षेत्रमा नवीनता र विश्वसनीयतासहित सेवा प्रदान गर्दै आएको छ। घरेलु उपकरणहरूको क्षेत्रमा गोदरेजले टिकाउपन, ऊर्जा दक्षता र मूल्यको उत्कृष्ट समन्वयका रूपमा आफ्नो पहिचान कायम गरेको छ।