काठमाडौं । राष्ट्रिय स्वतन्त्र पार्टी (रास्वपा) का वरिष्ठ नेता तथा झापा निर्वाचन क्षेत्र नम्बर ५ का उम्मेदवार बालेन शाह पूर्वी नेपालका विभिन्न जिल्लाहरूको चुनावी अभियान सकेर शनिबार साँझ काठमाडौं फर्किएका छन् ।
माघ ५ गते मधेस प्रदेशको राजधानी धनुषाको जनकपुरबाट आफ्नो चुनावी अभियान सुरु गरेका शाह धनुषाबाट सीधै झापा पुगेका थिए ।
झापा पुगेर शाहले माघ ६ गते आफ्नो उम्मेदवारी मनोनयन दर्ता गराएका थिए । त्यसलगत्तै उनी कोशी प्रदेशका पहाडी जिल्लाको भ्रमणमा निस्किएका थिए ।
कोशी प्रदेशको भ्रमणका क्रममा उनले इलाम, पाँचथर, तेह्रथुम, ताप्लेजुङ, संखुवासभा र धनकुटा जिल्लाका मतदाताहरूसँग सीधा भेटघाट गरेका थिए ।
कोशी प्रदेशमा रहँदा शाहले चुनावी कार्यक्रमअन्तर्गत कुनै पनि जिल्लामा औपचारिक भाषण वा सभा आयोजना गरेनन् । यस क्रममा उनी ताप्लेजुङको प्रसिद्ध पाथीभरा मन्दिरको दर्शनका लागि समेत पुगेका थिए ।
प्रतिक्रिया