दुबई एयर शोमा भारतको तेजस लडाकु विमान दुर्घटनाग्रस्त (भिडियो)

एजेन्सी । दुबई एयर शोमा प्रदर्शन उडानका क्रममा भारतको तेजस लडाकु विमान खसेको छ ।

यो घटना क्यामेरामा कैद भएको थियो र त्यसको भिडियो अहिले भाइरल भइरहेको छ । भिडियोमा विमानले आकाशमा अचानक सन्तुलन गुमाएको, तीव्र रूपमा घुमेको र त्यसपछि भूमिमा खस्नुअघि नियन्त्रण गुमाएको देखिन्छ ।

दुर्घटनापछि दुर्घटनास्थलबाट बाक्लो धूवाँ र आगोको लप्का उठिरहेको अवस्थामा उद्धार टोलीहरू छेउमै रहेको एयरफिल्डको परिधि नजिकै पुगेका थिए । पाइलटको अवस्थाबारे र दुर्घटनाको कारणबारे थप विवरण आएको छैन ।

घटनाको पुष्टि गर्दै भारतीय वायुसेनाले आधिकारिक विज्ञप्ति जारी गरेको छ । ‘आईएएफको तेजस विमान दुबई एयर शो–२५ मा खसेको छ । थप विवरण संकलन भइरहेको छ । केही समयमा हामी थप जानकारी दिनेछौं,’ विज्ञप्तिमा उल्लेख छ ।

BREAKING: An Indian Tejas fighter jet crashed during an aerial display at the Dubai Air Show. pic.twitter.com/TvwUoe3juh

— Clash Report (@clashreport) November 21, 2025