नेप्से ५.८० अंकले घट्दै २५६० बिन्दुमा, अधिकांश सूचक राताम्य

काठमाडौं । सेयर बजारमा ५.८० अंकको गिरावट आएको छ ।

साताको कारोबारको दोस्रो दिन सोमबार सेयर बजार परिसूचक नेपाल स्टक एक्सचेञ्ज (नेप्से) ५.८० अंकले घटेर २५६०.२९ बिन्दुमा रोकिएको हो ।

अघिलो कारोबार दिन आइतबार पनि नेप्से ३०.०२ अंकले घटेको थियो ।

सोमबार नेप्सेमा कुल ४ अर्ब ५१ करोड रुपैयाँ बढीको कारोबार भएको छ । अघिल्लो दिन आइतबार भने नेप्सेमा कुल ४ अर्ब ५६ करोड माथिको कारोबार भएको थियो ।

सोमबार कारोबारमा आएकामध्ये ९१ कम्पनीको सेयर मूल्य बढ्दा १५१ कम्पनीको घटेको छ । यस्तै, ११ कम्पनीको सेयर मूल्य भने स्थिर छ ।

सोमबार छ कम्पनीको सेयर मूल्य नौ प्रतिशत बढीले वृद्धि हुँदा उन्नती सहकार्य लघुवित्त वित्तीय संस्थाको सेयर मूल्यमा नकारात्मक सर्किट लागेको छ ।

सोमबार तीन समूह बाहेक सबै समूह सूचकमा गिरावट आएको छ ।