काठमाडौं । सेयर बजारमा दोहोरो अंकको सुधार आएको छ ।
साताको कारोबारको पहिलो दिन आइतबार सेयर बजार सूचक नेपाल स्टक एक्सचेञ्ज (नेप्से) ३०.७५ अंकले बढ्दै २६३१.१४ बिन्दुमा पुगेको छ ।
अघिल्लो कारोबार दिन अर्थात् गत साताको बिहीबार पनि नेप्से ३४.२२ अंकले बढेर २६०० बिन्दुमा उक्लिएको थियो ।
आइतबार नेप्सेमा कुल ९ अर्ब २० करोड रुपैयाँ बराबरको कारोबार भएको छ । बिहीबार भने ५ अर्ब ५९ करोड रुपैयाँ बराबरको कारोबार भएको थियो ।
आइतबार कारोबारमा आएकामध्ये २०५ कम्पनीको सेयर मूल्य बढ्दा ४२ कम्पनीको घटेको छ । यस्तै, तीन कम्पनीको सेयर मूल्य भने स्थिर छ ।
आइतबार पाँच कम्पनीको सेयर मूल्यमा सकारात्मक सर्किट लाग्दा दुई कम्पनीको मूल्य नौ प्रतिशत बढीले वृद्धि भएको छ ।
प्रतिक्रिया