मौसम धुम्मिएपछि विमान अवतरण हुन सकेनन्, आकाशमा फन्को मार्दै

काठमाडौं । मौसम धुम्म भएसँगै भिजुअल फ्लाइट रुल्स (भीएफआर) बन्द भएको र इन्टुमेन्टल फ्लाइट रुल्स (आइएफआर) मात्रैबाट उडान अवतरण भइरहेकाले त्रिभुवन अन्तर्राष्ट्रिय विमानस्थलमा विमानको उडान अवतरणमा ढिलाइ भइरहेको छ ।

काठमाडौंस्थित त्रिभुवन अन्तर्राष्ट्रिय विमानस्थलमा अवतरण हुन नसकेपछि विमानहरु काठमाडौंको आकाशमा फन्का लागइरहेका छन् ।

चीनको ग्वान्झाउबाट आएको विमान निजगढको आकाशमा फन्का मारिरहेको छ । जनकपुरबाट काठमाडौं आएको विमान लालबन्दीमा फन्का मारेर अहिले विमानस्थलतर्फ गएको छ । पोखराबाट काठमाडौं आइरहेको विमान पनि भरतपुरको आकाशमा फन्को मारिरहेको छ ।

उडानमा ढिलाइ मात्रै भएको र आइएफआरबाट मात्रै उडान भएकोले केहीलाई उडान अवतरणमा समय लागेकाे भएपनि कुनै समस्या नभएको र यो नियमित प्रक्रिया भएको विमानस्थल कार्यालयले जानकारी दिएको छ ।