काठमाडौं । फ्लोरिकल्चर एशोसिएसन नेपालको आयोजना गरेकाे ललितपुरको जावलाखेल जारी १८ औं गोदावरी फूलको प्रतियोगितात्मक प्रदर्शनीको तेस्रो दिनसम्म २३ हजार ३ सय जनाले अवलोकन गरेका छन् । तीन दिनसम्म ७१ लाख रुपैयाँ भन्दा बढीको कारोबार भएको छ ।
असोज २९ गते देखि सुरू भएको मेलामा पहिलो दिन ७ हजार २ सय जना, दोस्रो दिन ७ हजार ५ सय र आज तेस्रो दिन ८ हजार ६ सय जना गरी आजसम्म २३ हजार तीन सयले अवलोकन गरेका छन् । तीन दिनको कारोबार ७१ लाख भन्दा बढी भएको एसोसिएसनले जनाएको छ ।
पाँच दिनसम्म चल्ने मेलामा ४० हजार बढीले प्रत्यक्ष अवलोकन तथा एक करोड तीस लाख रुपैयाँ भन्दा बढीको व्यवसायीक कारोबार हुने आयोजकले अनुमान गरेको छ ।
तिहार तथा छठ पर्वलाई लक्षित गरेर गोदावरी पुष्प मेला तथा प्रदर्शनी गरिएको फ्लोरीकल्चर एसोसिएसन नेपालले जनाएको छ ।
गोदावरी फूलको एक मात्र बृहत प्रदर्शनी रहेको यस मेलमा व्यवसायिक स्टल ८०, प्लान्ट क्लिनिक स्टल १, अफिसियल स्टल ५, प्रतियोगितात्मक स्टल २ छ ।
फोटो सेल्फी स्टल २ गरी जम्मा ९० वटा प्रदर्शनी कक्षहरु रहेको छ । विगत वर्षमा झैँ यस वर्ष पनि गोदावरी फूलको ४ वटा विधा ( मिनियचर, रिफ्लेक्स, स्पाईडर र ईनकर्भ ) मा प्रतिस्पर्धा गरिएको थियो ।
प्रतिक्रिया