बिमा कम्पनीले भारतीय एक्चुअरीलाई भुक्तानी गर्न राष्ट्र बैंकको स्वीकृति नचाहिने

काठमाडौं । नेपाली बिमा कम्पनीहरूले भारतबाट एक्चुअरी, सर्वे र भ्यालुएसन सेवा लिएवापत प्राकृतिक व्यक्तिलाई भुक्तानी गर्न राष्ट्र बैंकको स्वीकति नचाहिने भएको छ ।

राष्ट्र बैंकले विदेशी विनियम व्यवस्थापन सम्बनधी एकीकृत निर्देशनमा संशोधन गर्दै उक्त व्यवस्था गरेको हो ।

‘नेपाली बिमा कम्पनीहरुले विशेषज्ञ सेवाहरु एक्चुअरी, सर्वे र भ्यालुएसन लगायतका लागि प्राकृतिक व्यक्तिलाई गर्नु पर्ने भुक्तानीको सटही सुविधाको लागि नेपाल बिमा प्राधिकरणको सिफारिस समेतको आधारमा वाणिज्य बैंकबाट प्राप्त गर्न सक्नेछन्,’ राष्ट्र बैंकको संशोधित निर्देशनमा भनिएको छ ।