काठमाडौं । माबिलुङ इनर्जी लिमिटेडले सोमबार (असार २२ गते)बाट आईपीओ बिक्री खुला गरेको छ । कम्पनीले आयोजना प्रभावित स्थानीय र वैदेशिक रोजगारीमा रहेका नेपालीहरुका लागि आईपीओ बिक्री खुला गरेको हो ।
कम्पनीले जारी पुँजी ३८ करोड ५८ लाख २४ हजार रुपैयाँको ४८.९९९८ प्रतिशत अर्थात १८ करोड ९० लाख ५३० रुपैयाँ बराबरको सेयर बिक्री गर्ने अनुमति पाएको थियो ।
जसमध्ये कम्पनीले १ सय अंकित मूल्यमा ३ लाख ८५ हजार ८२४ कित्ता सेयर आयोजना प्रभावित संखुवासभा जिल्लाको मादि नगरपालिका वडा नं. ७, ८, ९ र चैनपुर नगरपालिका वडा नं. २, ३, ७, ८, ९ मा स्थायी बसोबास गर्ने स्थानीय बासिन्दाहरुलाई बिक्री खुला गरेको हो ।
यता, कम्पनीले सर्वसाधारणमा निष्कासन हुने सेयरमध्ये १० प्रतिशत अर्थात १ लाख ५० हजार ४७१ कित्ता सेयरमा भने वैदेशिक रोजगारीमा रहेका नेपालीहरुले आवेदन दिन सक्ने छन् । यसमा दुवै समूहका लगानीकर्ताले न्यूनतम १० कित्तादेखि अधिकतम ५० हजार कित्तासम्म आवेदन दिन सक्नेछन् ।
स्थानीयले यस कम्पनीको आइपीओमा साउन ४ गतेसम्म आवेदन दिन पाउनेछन् । यद्दपि स्थानीयले भने सो अवधिसम्ममा पूर्ण आवेदन नपरेमा साउन ११ गतेसम्म आवेदन दिन पाउनेछन् । तर वैदेशिक रोजगारीमा रहेका नेपालीले भने साउन ४ गतेसम्म आवेदन दिइसक्नुपर्नेछ ।
प्रतिक्रिया