काठमाडौं । नेपाली कांग्रेसका सांसद रामहरी खतिवडाले सरकारको कार्यशैलीप्रति असन्तुष्टि व्यक्त गरेका छन् । संसदको राज्य व्यवस्था तथा सुशासन समितिका सभापतिसमेत रहेका खतिवडाले सरकारले सबैको चित्त बुझाउन नसकेको भन्दै गेयर बढाउनुपर्ने बताएका हुन् । मंगलवार संसद भवन परिसरमा सञ्चारकर्मीसँग कुरा गर्दै सांसद खतिवडाले यस्तो बताएका हुन् ।
उनले सधैं निराशा र कुण्ठित अभिव्यक्ति दिएर मात्र मुलुक नबन्ने भएपनि सरकारले आशाका किरणहरु दिन सक्नेगरी काम गर्न नसकेको तर्क उनको छ ।
‘सधैं निराशा र कुण्ठित अभिव्यक्तिले मात्रै मुलुक बन्दैन । आशाका किरणहरु दिन सफल हुनुपर्छ । अहिले सरकार जुन गतिमा गएको छ त्यसमा सबैको चित्त बुझेको छैन । अब गेयर परिवर्तन गरेर जान आवश्यक छ,’ खतिवडाले भने ।
उनले संसदको हिउँदे अधिवेशन कानून निर्माणमा केही हदसम्म सफल भएको समेत बताए । आफू हिन्दु धर्म मान्ने भएपनि सबैलाई अट्ने र सबैलाई समेट्ने राज्य बनाउन जरुरी रहेको समेत खतिवडाको भनाइ छ ।
प्रतिक्रिया