सुनको मूल्य १ लाख ८० हजार नजिक पुग्यो, किन बढिरहेको छ ?

काठमाडौं । मंगलबार(आज) पनि सुनको मूल्यमा वृद्धि भएको छ ।

सोमबार प्रतितोला १ लाख ७७ हजार ९ सय रुपैयाँमा कारोबार भएको सुन आज तोलामा १ हजार ८ सयले बढेर १ लाख ७९ हजार ७ सय कायम भएको नेपाल सुनचाँदी व्यवसायी महासंघले जनाएको छ ।

अन्तर्राष्ट्रिय बजारमा सुनको मूल्य बढेसँगै त्यसको प्रभाव स्थानीय बजारमा परेको व्यवसायीको भनाइ छ । चार दिनदेखि सुनको मूल्य लगातार बढिरहेको छ ।

आज चाँदीको मूल्य भने स्थिर छ । आजका लागि चाँदीको मूल्य प्रतितोला दुई हजार ३५ रुपैयाँ निर्धारण भएको छ ।

अन्तरराष्ट्रिय बजारमा आज सुन प्रतिऔँस तीन हजार एक सय ४० अमेरिकी डलर कारोबार भइरहेको छ ।