काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने पुनः पार्टी राजनीतिमा सक्रिय भएका छन् ।
सोमबार बनस्थलीस्थित पार्टी कार्यालयमा बैठकमा सहभागी हुन पुगेका लामिछानेलाई स्वागत गर्न नेता कार्यकर्ता भेला भएका थिए ।
उनले कार्यालय परिसरमा रहेको घण्टी बजाएका थिए ।
‘रवि दाइ हाइ हाइ’ लगायतका नारासहित उत्साह व्यक्त गरेका कार्यकर्ताहरूलाई लामिछानेले अभिवादन गरेका थिए ।
सहकारी ठगी प्रकरणमा मुछिएपछि केही समय पार्टी गतिविधिबाट टाढिएका उनी हाल पनि मुद्दा विचाराधीन अवस्थामै रहँदा सक्रिय राजनीतिमा फर्किएका हुन् ।
प्रतिक्रिया