सेयर बजारसँगै बढ्यो कारोबार रकम

काठमाडौं । सेयर बजारसँगै कारोबार रकम समेत बढ्न थालेको छ । आज बजार २९.८२ अंकले बढेर परिसूचक २६९३.१२ बिन्दु कायम भएको छ ।

३२३ कम्पनीको १ करोड ५५ लाख ७२ हजार ८६२ कित्ता सेयर ७ अर्ब ५६ करोड ८२ लाख २६ हजार १९७ रुपैयाँको सेयर कारोबार भएको छ । कारोबारमा २२२ कम्पनीको सेयर मूल्य बढेको छ भने २२ कम्पनीको मूल्य घटेको छ ।

कारोबारमा ट्रेडिङ बाहेक सबै समूहको उपसूचकमा हरियाली छाएकोे छ । कारोबारमा जोशी हाइड्रोपावर, दोर्दी खोला जलविद्युत, गुँरास लघुवित्त, तेह्रथुम पावर कम्पनीका लगानीकर्ताले कमाएका छन् भने सयपत्री हाइड्रो, सामुदायिक लघुवित्त, बोटलर्स नेपाल बालाजुका लगानीकर्ताले गुमाएका छन् ।