सेयर बजारमा भारी गिरावट, लगानीकर्ताको मनोबल घट्दै

काठमाडौं । सेयर बजार राताम्मे भएको छ । कारोबारको सुरुदेखि नै बजारमा आएको गिरावट अन्तिम समयसम्म पनि कायमैै रह्यो । बजारमा निरन्तर आएको गिरावटले लगानीकर्ताको मनोबल समेत बजारमा घट्न थालेको छ ।

पछिल्लो समय बजारमा उतार चढाब निकै बढेको छ । कारोबार रकम पनि घट्दै गएको छ । यो दिन सबै समूहको उपसूचकमा राताम्मे बनेको छ ।

बजार मापन गर्ने सूचक ५५.९० अंकले बढेर परिसूचक २५८४.८८ बिन्दु कायम भएको छ । ३२५ कम्पनीको १ करोड ११ लाख ५५ हजार ९५५ कित्ता सेयर ५ अर्ब १८ करोड ७ लाख १८ हजार ७०८ रुपैयाँको सेयर कारोबार भएको छ ।

कारोबारमा सबै समूहको उपसूचक राताम्मे भएका छन् । कारोबारमा ४ कम्पनीको सेयर मूल्य बढेको छ भने २४० कम्पनीको घटेको छ ।