काठमाडौं । फोटोनले विश्वभर १ करोड युनिट बिक्री गर्ने महत्वपूर्ण उपलब्धि हासिल गर्दै व्यावसायिक सवारी साधन बिक्रीको इतिहास रचेको छ ।
यो उपलब्धिले फोटोनलाई व्यावसायिक सवारी साधन उद्योगमा विश्वव्यापी अग्रणी बनाएको छ, जसले अर्थतन्त्रको वृद्धिमा टेवा पुर्याउँदै नवीन र भरपर्दो सवारी समाधान मार्फत यातायातको भविष्य निर्माण गरिरहेको कम्पनीको दाबी छ ।
कम्पनीका अनुसार फोटोनले आफ्नो उपस्थिति विश्वभर फैलाएको छ । यसले डिजिटल प्रविधि प्रयोग गरी व्यावसायिक सवारी साधनको आपूर्तिमा नयाँ स्तर कायम गरिरहेको छ । उच्च गुणस्तर र अत्याधुनिक प्रविधिको प्रयोगले फोटोनका ट्रक, बस तथा विशेष सवारीहरू उद्योगहरूको पहिलो रोजाइ बन्न पुगेका छन् । दक्ष, टिकाउ र लागत-प्रभावी यातायात समाधानहरू उपलब्ध गराउँदै व्यवसायहरूका आवश्यकताहरू पूरा गर्न फोटोन समर्पित रहेको दाबी गरिएको छ ।
यस ऐतिहासिक उपलब्धिसँगै फोटोनले नयाँ बजार सम्भावनाहरूको ढोका खोलेको कम्पनीको भनाई छ । फोटोनले इन्धन दक्षता सुधार्ने आधुनिक प्रणाली कार्यान्वयन गर्दै कार्बन उत्सर्जन कम गर्ने लक्ष्य राखेको छ, जसले हरित यातायातको विश्वव्यापी यात्रामा महत्वपूर्ण योगदान पुर्याउने छ ।
उत्कृष्ट सवारी साधन निर्माण मात्र नभई आपूर्ति शृंखला एकीकरण, रोजगारी सिर्जना र यातायात सञ्जाल विस्तार मार्फत अर्थतन्त्रलाई सशक्त बनाउने काम पनि फोटोनले गरिरहेको दाबी छ ।
फोटोन विश्वव्यापी रूपमा व्यावसायिक सवारी साधन निर्माण गर्ने प्रमुख कम्पनीमध्ये एक हो । यसले उच्च-स्तरका ट्रक, बस र विशेष सवारी साधन उत्पादन गरी विभिन्न व्यवसायिक क्षेत्रमा सेवा प्रदान गर्छ । चीनको एक नम्बर व्यावसायिक सवारी कम्पनीको रूपमा, फोटोन इनोभेसन, दिगोपन र ग्राहक सन्तुष्टिमा केन्द्रित रहेको कम्पनीको दाबी छ । ११० भन्दा बढी देशहरूमा आफ्नो उपस्थिति जनाएको फोटोनले विश्वव्यापी आर्थिक वृद्धिमा योगदान पुर्याउने यातायातको आमुल परिवर्तनलाई अघि बढाइरहेको कम्पनीको भनाई छ ।
प्रतिक्रिया