शिखर इन्स्योरेन्सले बोनस १० प्रतिशत दिने, बुक क्लोज कहिले ?

काठमाडौं । शिखर इन्स्योरेन्स कम्पनीले सेयरधनीलाई लाभांश दिने प्रस्ताव गरेको छ ।

कम्पनीले गत आर्थिक वर्षको नाफाबाट १०.५२ प्रतिशत लाभांश दिने भएको छ । जसमा बोनस १० प्रतिशत र कर प्रयोजनका लागि ०.५२ प्रतिशत नगद लाभांश रहेको छ । कम्पनीले फागुन १३ गते बार्षिक साधारणसभा हुने भएको छ ।

सभा प्रयोजनका लागि कम्पनीले माघ ३० गतेदेखि फागुन १३ गतेसम्म बुक क्लोज हुनेछ । माघ २९ गतेसम्म कायम रहेका सेयरधनीले कम्पनीले तोकेको लाभांश पाउनेछन् ।