अब बच्चा लिएर फिल्म हलमा जान नपाइने

काठमाडौं । अब साना बालबालिका लिएर फिल्म हलमा प्रवेश नपाइने भएको छ ।

नेपालमा सबैभन्दा धेरै हल भएको मल्टिप्लेक्स चेनले बुधबार सूचना जारी गर्दै २.५ फिटभन्दा कम उचाइका बालबालिकाले क्यूएफएक्स हलमा प्रवेश नपाउने जनाएको हो ।

२.५ फिटभन्दा बढी उचाइका सबै दर्शकलाई भने तोकिएको टिकटदर लागू हुने सूचनामा जनाइएको छ ।

साना बालबच्चाको स्वास्थ्य र हलभित्रको मनोरञ्जनको वातावरणलाई ध्यान दिँदै बालबालिकालाई हल प्रवेशमा रोक लगाइएको हो ।

काखमा बोक्नु पर्ने बच्चालाई हलभित्र लैजाँदा अन्य दर्शकलाई समस्या भएको गुनासो आउने गरेपछि क्यूएफएक्स हलमा प्रवेश रोक लगाइएको हो ।