आशिका तामाङ पक्राउ

काठमाडौं । आफूलाई सामाजिक अभियन्ता भन्ने आशिका तामाङ पक्राउ परेकी छन् । नेपाल प्रहरीले उनलाई पक्राउ गरेको हो । बुधबार दिउँसो स्वयम्भुबाट उनलाई पक्राउ गरिएको प्रहरीले जनाएको छ ।

प्रहरीका अनुसार उनलाई अभद्रव्यहार सम्बन्धी मुद्दामा पक्राउ गरिएको हो । उनलाई थप अनुसन्धानका लागि गौशाला प्रहरीमा लगिएको छ ।

उनी नायिका समेत हुन् भने पछिल्लो समय उनी सामाजिक सञ्जालमा चर्चामा छिन् । पेसाले नर्स तामाङ १५ वर्ष जर्मनी बसेर फर्किएकी हुन् । नेपालका सरकारी निकाय, सार्वजनिक निकायहरुमा आर्थिक बेथिति भएको भन्दै अत्याचारको उजागर गरेरै छाड्ने अभियानमा लागेको बताउँदै आएकी छन् । उनको कार्य अभद्र भएको भन्दै उजुरी परेपछि प्रहरीले पक्राउ गरेको हो ।