सुनको मूल्य घट्यो, कतिमा भइरहेको छ कारोबार ?

काठमाडौं । नेपाली बजारमा आज (आइतबार) सुन र चाँदीको मूल्यमा गिरावट आएको छ ।

शुक्रबार प्रतितोला ४०० रूपैयाँले बढेको सुनको भाउ आइतबार प्रतितोला ५०० रूपैयाँले घटेर छापावाल सुन १ लाख ५० हजार २०० रूपैयाँमा कारोबार भइरहेको छ । शुक्रबार यसको मूल्य प्रतितोला १ लाख ५० हजार ७०० रूपैयाँ थियो ।

त्यसैगरी, आइतबार चाँदीको मूल्य पनि घटेको छ । यस दिन चाँदी प्रतितोला १ हजार ७९० रूपैयाँमा कारोबार भइरहेको छ । यो मूल्य अघिल्लो दिनको तुलनामा २५ रूपैयाँले कम हो। शुक्रबार चाँदीको मूल्य प्रतितोला १ हजार ८१५ रूपैयाँ थियो।

अन्तर्राष्ट्रिय बजारमा भने आज सुनको मूल्य प्रतिऔंस २,६२३ अमेरिकी डलरमा कारोबार भइरहेको छ।