जय ट्रफी इलिट कप जनकपुर र विरगञ्जमा हुने

काठमाडौं । नेपाल क्रिकेट संघ (क्यान) को आयोजनामा हुन लागेको जय ट्रफी पुस २१ गते देखि सुरु हुने भएको छ ।

क्यानले बिहीबार एक विज्ञप्ति निकाल्दै प्रतियोगिता मधेश प्रदेशको जनकपुर र विरगञ्जमा आयोजना हुने जानकारी दिएको हो ।

माघ ३ गतेसम्म चल्ने प्रतियोगितामा प्रधानमन्त्री कप राष्ट्रिय क्रिकेट प्रतियोगितामा शीर्ष चारमा रहेका नेपाल पुलिस क्लब, त्रिभुवन आर्मी क्लब, बागमती प्रदेश र मधेश प्रदेशले प्रतिस्पर्धा गर्नेछन् ।

क्यानले क्यान इलिट कप बहुदिवसीय राष्ट्रिय क्रिकेट प्रतियोगिता गर्ने योजना अन्तर्गत जय ट्रफी पुरुष इलिट कप नामाकरण गरी प्रतियोगिता गर्न लागेको हो ।

जयकुमार नाथ शाह क्यानका पूर्व अध्यक्ष हुन् । उनकै स्मृतीमा प्रतियोगिता गर्न लागेको हो ।