एजेन्सी । काजाकिस्तानको अक्ताउ शहर नजिकै यात्रुवाहक विमान दुर्घटनामा परेको छ ।
रूसी समाचार एजेन्सीहरूका अनुसार, उक्त विमान अजरबैजान एयरलाइन्सद्वारा सञ्चालित थियो र बाकुबाट रुसको चेचेन्यास्थित ग्रोज्नी जाँदै थियो ।
ग्रोज्नीमा व्यापक कुहिरोका कारण अवतरण गर्न नसक्दा विमान अजरबैजानको अक्ताउ विमानस्थलतर्फ डाइभर्ट गरिएको थियो । अक्ताउ विमानस्थलमा विमान अवतरण गर्ने क्रममा जमिनमा झरेर आगो लागेको भिडियोहरुमा देखिएको छ ।
प्रारम्भिक रिपोर्ट अनुसार केही यात्रीहरू बाँच्न सफल भएका छन् । काजकिस्तानको आपतकालीन मन्त्रालयले विज्ञप्ति जारी गर्दै घटनास्थलमा लागेको आगो नियन्त्रणमा ल्याउने प्रयास भइरहेको जनाएको छ ।
काजकिस्तानी सञ्चारमाध्यम कजाखका अनुसार, विमानमा १०५ यात्रु र पाँच चालक दलका सदस्य सवार थिए ।
एसोसिएट प्रेस, बीबीसी लगायतका केही अन्तर्राष्ट्रिय सञ्चारमाध्यमहरुले भने विमानमा ६७ यात्रु र ५ चालकदलका सदस्य गरि ७२ जना सवार रहेको जनाएका छन् ।
विमान सञ्चालक अजरबैजान एयरलाइन्सले भने दुर्घटनाबारे अहिलेसम्म कुनै प्रतिक्रिया जारी गरेको छैन ।
प्रतिक्रिया