नेपाल आयो शार्क ट्यांक: एभरेस्ट होटलमा छायांकन, ३ महिनाभित्रै हिमालयन टिभीमा प्रशारण

काठमाडौं । विश्व प्रशिद्ध टेलिभिजन कार्यक्रम ‘शार्क ट्याङ्क’ नेपालमा पनि आउने भएको छ । कार्यक्रमा हिमालय टिभीमा प्रशारण हुनेछ । ‘शार्क ट्यांक नेपाल’को औपचारिक घोषणा भोलि गर्ने तयारी छ ।

सोमबार पाँच जना शार्क (निर्णायक) घोषणा हुने जनाइएको छ । नवीनता, उद्यमशीलता र लगानीलाई प्रवर्द्धन गर्ने उद्देश्यले चर्चित यो प्लाटफर्म भारत, पाकिस्तान, बंगलादेशमा समेत लोकप्रिय छ । बेलायती टिभी कार्यक्रम ‘शार्क ट्यांक’बाट इजाजत लिएर हिमालय टिभीले नेपाल संस्करण ल्याउन लागेको हो ।

शार्क ट्यांक सोनी पिक्चर्स टेलिभिजनको स्वामित्वमा छ ।

शोलाई सिमोस सुनुवारले निर्देशन गर्नेछन् । एउटा एपिसोडमा पाँच जना उद्यमी गरेर कुल २० एपिसोडमा १०० जना उद्यमीले आफ्नो व्यवसाय र उद्यमशीलताको आइडिया पिच गर्ने बताइएको छ ।

हिमालय टिभीमा आगामी तीन महिनाभित्र प्रसारणको अपेक्षा राखिएको कार्यक्रमको छायांकन फागुनदेखि गर्ने तयारी छ । कार्यक्रमको छायांकन नयाँ बानेश्वरस्थित एभरेस्ट होटलमा हुनेछ ।