नाफिजमा मेनुका कार्कीको नेतृत्वमा नयाँ कार्यसमिति निर्वाचित

काठमाडौं । नेपाल आर्थिक पत्रकार संघ (नाफिज) को अध्यक्षमा मेनुका कार्की निर्वाचित भएकी छिन् । शनिबार सम्पन्न निर्वाचनमा कार्कीको नेतृत्वमा नयाँ कार्यसमिति चयन भएको हो।

निर्वाचनमा कार्कीले १०० मत पाएकी छिन् भने उनका निकटतम प्रतिस्पर्धी इन्द्रबहादुर बानियाँले ८७ मत पाएर पराजित भए । निर्वाचनमा उपाध्यक्षमा पिताम्बरी खतिवडा (प्रमिला) १०४ मत पाएकी छिन् भने अर्का उपाध्यक्ष निरोजकुमार थापाले ९३ मत मत पाएका छन् । उपाध्यक्षका उम्मेदवार विजय दमासे ६५ र परमेश्वर अधिकारीले ९२ मत पाएका छन् ।

महासचिवमा निकेश खत्री ११२ मत पाएका निर्वाचित भएका छन् । उनका प्रतिस्पर्धी नविन ढुंगानाले ६६ मत प्राप्त गरे । यस्तै सचिवमा राजाराम न्यौपाने १२६ मत पाएर निर्वाचित भए भने चेतनारायण पाण्डेयले ५७ मत प्राप्त पाए ।

कोषाध्यक्षमा मिलन विश्वकर्मा १०२ मत ल्याएर निर्वाचित भए । उनका प्रतिस्पर्धी भोला देवकोटा (परिवर्तन)ले ८३ मत प्राप्त गरे ।