एनपीएलमा आज दुई खेल: प्लेअफमा पुग्न सुदूरपश्चिम र काठमाडौंको जित्ने दाउ

काठमाडौं । नेपाल प्रिमियर लिग (एनपीएल) टी–ट्वान्टी क्रिकेट प्रतियोगिता अन्तर्गत आफ्नो अन्तिम खेलमा काठमाडौं गुर्खाज र विराटनगर किङ्सले प्रतिस्पर्धा गर्दैछन् ।

आज (आइतबार) बिहान हुने पहिलो खेलमा विराटगरले काठमाडौंसँग प्रतिस्पर्धा गर्दैछ । आजको खेलमा काठमाडौं जित निकाल्ने योजनामा छ ।

यता प्रतियोगिताको उपाधि होडबाट बाहिरिसकेको विराटनगर आजको खेलमा जित निकाल्दै प्रतियोगिताको सुखद अन्य गर्ने योजनामा छ ।

यता काठमाडौं आजको खेलमा जित निकाल्दै प्रतियोगिताको प्लेअफमा पुग्ने अवसरलाई सहज बनाउने योजनामा छ ।
प्रतियोगितामा काठमाडौं लिगमा ६ खेलबाट ६ अंक जोडेर पाँचौं स्थनामा छ । यता विराटनगर तालिकामा ६ खेलबाट ४ अंक जोडेर पुछारबाट तेस्रो स्थानमा छ ।

आज नै हुने अर्को खेलमा सुदूरपश्चिम पोखरा एभेन्जर्सविरुद्ध सहज जित निकाल्दै प्रतियोगिताको प्लेआफमा पुग्ने दोस्रो टोलीको रुपमा आफूलाई प्रस्तुत गर्ने योजनामा छ ।

सुदूरपश्चिम ५ खेलमाबाट ८ अंक जोडेर तालिकाको दोस्रो स्थानमा छ।

प्रतियोगिताबाट बाहिरिसकेको पोखरा आजको खेलमा जित निकाल्दै सुखद अन्त्य गर्ने योजनामा छ।