फेसबुकमा देखियो यस्तो परिवर्तन, पोस्टको मिति नै गायब

काठमाडौं । अत्यधिक प्रयोगमा रहेको सामाजिक सञ्जाल फेसबुक सम्बन्धी केही परिवर्तन देखिन थालेको छ । नयाँ प्रयोग अनुसार कम्प्युटर क्रोम ब्राउजरबट फेसबुक चलाउँदा कुनै पोस्टको प्रकाशित मिति हाइड हुन्छ । अर्थात् पोस्टको प्रकाशित मिति देखिँदैन ।

बरु पोस्टसँगै क्लिक हुने कोड जस्तो लिंक भने देखाइएको हुन्छ । यसअघि फेसबुकमा कुनै सामग्री पोस्ट गर्दा उक्त पोस्टमा नामको तलतिर प्रकाशित मिति वा कति समयपहिले पोस्ट गरिएको हो भन्ने देखिन्थ्यो । तर सोमबारदेखि फेसबुकका प्रयोगकर्ताले नयाँ महसुस गर्न थालेका छन् ।

त्यसमा क्लिक गर्दा भने उक्त पोस्ट अगाडि आएर कमेन्टसहित देखिन थालेको छ । यसलाई लिएर फेसबुकले कुनै प्रतिक्रिया भने दिएको छैन । साथै यो परिवर्तनलाई मेटा कम्पनीले कुनै इरर हो वा नयाँपन दिइएको हो भन्ने पनि प्रस्ट पारेको छैन ।