एससीटी–यूपीआई देखाए सिभिल मलमा पार्किङ शुल्क तिर्नु नपर्ने

काठमाडौं । सिभिल मलमा एससीटी–यूपीआई कार्ड धारकले निःशुल्क पार्किङ सेवा पाउने भएका छन् ।

स्मार्टच्वाइस टेक्नोलोजिज र काठमाडौँको मुटु सुन्धारामा रहेको सिभिल मलबीच यस्तो सम्झौता भएको हो ।

नेपाल राष्ट्र बैंकबाट अनुमति प्राप्त भुक्तानी प्रणाली सञ्चालक संस्था एससीटीको एससीटी–यूपीआई कार्डबाहकले आफ्नो कार्ड देखाएर सिभिल मलको अन्डरग्राउन्ड पार्किङमा चार घण्टासम्म निःशुल्क पार्किङ पाउने भएका हुन् । यो सेवा हाललाई ६ महिनासम्म लागु हुनेछ ।

एससीटी यूपीआई डेबिट कार्ड लिन सर्वसाधारणले एससीटीको कुनै पनि सदस्य बैंक तथा वित्तीय संस्थामा गएर कार्डका लागि अनुरोध गर्न सक्नेछन् ।