जाडोमा न्यानो बनाउन क्रम्प्टनका नयाँ हिटर र गिजरहरु नेपाली बजारमा

काठमाडौं । नेपाली उपभोक्ताका लागि उत्कृष्ट उत्पादन ल्याउने प्रतिबद्धतासहित सिजी इलेक्ट्रोनिक्सले नेपाली बजारमा क्रम्प्टनका विविध विन्टर एप्लायन्सहरू उपलब्ध गराएको छ। यी उत्पादनहरू उपभोक्ताको आवश्यकता र जाडोयाममा सुविधा पुर्‍याउन डिजाइन गरिएका हुन्।

जाडोयामलाई लक्षित गर्दै सिजीले रूम हिटर, गीजर र वाटर हिटर ल्याएको हो । ती सामग्रीहरुले उच्च कार्यक्षमता, आधुनिक डिजाइन र विश्वसनीयता सुनिश्चित गर्ने र ग्राहको जीवन सहज बनाउने कम्पनीले दाबी गरेको छ ।

हिटर

आधुनिक प्रविधिको प्रयोग गरी बनेका यी हिटरहरूले कोठालाई छिटो र समान रूपमा चारैतिर न्यानो बनाउँछन्। सिजीले बजारमा ल्याएका हिटरका मोडेलमा १२०० वाटको इन्स्टा कोजी, ८०० वाटको इन्स्टा कम्फी, २००० वाटको इन्स्टा कम्फर्ट र २००० वाटको इन्स्टा एयरहट लगायत रहेका छन्।

गिजर र वाटर हिटर

कम्पनीले विभिन्न आकार र प्रकारका गिजर र वाटर हिटरहरु पनि उपलब्ध गराएको छ । जसमध्ये २५ लिटर क्षमताको Solarium Qube IoT गुगल भोइस असिस्टेन्ट र एलेक्सा भोइस असिस्टेन्ट जस्ता फिचर लगायत छन् ।

त्यस्तै २५ लिटर र १५ लिटर क्षमताको सोलारियम इभो, २५ लिटर र १५ लिटर क्षमताकै सोलारियम क्युब, १५ लिटर क्षमताकै सोलारियम क्युब प्लस पनि सिजीले बजारमा ल्याएको छ ।

५० लिटर, २५ लिटर, १५ लिटर र १० लिटर क्षमताको इलेक्ट्रिक गिजर अर्नो नियो, २५ र १५ लिटर लिटर क्षमतको इलेक्ट्रिक गिजर Acenza, ५ लिटर ३ लिटर र १ लिटर क्षमताको र्‍यापिड जेट नेपाली बजारमा उच्च माग रहेको र ग्राहकहरुलाई न्यानो प्रदान गरिरहेको कम्पनीले जनाएको छ ।

यससँगै १५०० वाट र १००० वाटका इमर्सन रड (Immersion Rod)पनि बजारमा उपलब्ध छन् । यी इमर्सन रडहरू तातो पानीको तत्काल आवश्यकता पूरा गर्न ऊर्जा-कुशल र उपयोग गर्न सजिलो मानिन्छ । यस्ता सुविधाहरूले गर्दा क्रम्प्टनका उत्पादनहरूले उपभोक्ताहरूको दैनिकीलाई सहज, सुरक्षित र भरपर्दो बनाइरहेका छन्।

क्रम्प्टनका सबै उत्पादनहरू ऊर्जा खपत कम गर्ने प्रविधिले निर्माण गरिएका छन् । जसले शक्ति-कुशलताका साथ जाडोयाममा उत्कृष्ट कार्यसम्पादन सुनिश्चित गर्छन् । साथै स्टाइलिस डिजाइनमा छन् । जुन आधुनिक घरको सौन्दर्यसँग मिल्नुका साथै आकर्षक देखिन्छन् । यस्तै, क्रम्प्टनले गुणस्तर प्रमाणित सामग्रीको प्रयोग गरेर हरेक उत्पादनलाई सुरक्षित र भरपर्दो बनाएको कम्पनीको दाबी छ ।

सिजी इलेक्ट्रोनिक्सका अनुसार जाडोयाममा रूम हिटर र गिजर जस्ता उत्पादनहरूको माग उच्च छ। यी उत्पादनहरूले कठोर जाडोयामक दैनिकीलाई सहज र न्यानो बनाउन मद्दत पुर्‍याइरहेको कम्पनीले जनाएको छ । क्रम्प्टनका यी उत्कृष्ट उत्पादनहरू सिजी डिजिटलका शोरूमहरू, आधिकारिक डिलर र cgdigital.com.np मा उपलब्ध छन्।