धरहराबाट प्रधानमन्त्रीले आज एनपीएलको ट्रफी सार्वजनिक गर्ने

काठमाडौं । सिद्धार्थ बैंक नेपाल प्रिमियर लिग (एनपीएल) को ट्रफी सार्वजनिक हुँदैछ ।

आज बिहान ९ बजे प्रधानमन्त्री केपी शर्मा ओलीले धरहराबाट एनपीएलको ट्रफी सार्वजनिक गर्ने कार्यक्रम तय भएको नेपाल क्रिकेट संघ (क्यान)ले जनाएको छ ।

ट्रफी सार्वजनिक समारोहमा प्रधानमन्त्रीसहित विशिष्ट व्यक्तित्वको सहभागिता रहनेछ । क्यानले पहिलो पटक आफ्नै आयोजनामा क्रिकेट लिग गर्न लागेको हो ।

मंसिर १५ गतेदेखि शुरू हुने प्रतियोगितामा प्रतियोगितामा विराटनगर किङ्स, जनकपुर बोल्टस्, चितवन राइनोज, काठमाडौं गोर्खाज्, पोखरा एभेन्जर्स, लुम्बिनी लायन्स, कर्णाली याक्स र सुदुरपश्चिम रोयल्स गरी ८ टिमले प्रतिस्पर्धा गर्दैछन् ।