काठमाडौं उपत्यकाको ट्राफिक आज अस्तव्यस्त हुने, वैकल्पिक बाटो प्रयोग गर्न ट्राफिकको आग्रह

काठमाडौं । ट्राफिक प्रहरीले काठमाण्डौ उपत्यका स्थित दरबारमार्ग, माईतिघर, बालकुमारी र जावलाखेल एरियामा विभिन्न कार्यक्रम हुने भएकाले वैकल्पिक बाटो प्रयोग गर्न आग्रह गरेको छ ।

एकै पटक चार ठाउँमा प्रदर्शन हुँदा ट्राफिक व्यवस्थापन अस्तव्यस्त हुने भएपछि ट्राफिक प्रहरीले वैकल्पकि बाटो प्रयोग गर्न अनुरोध गरेको हो ।

‘काठमाण्डौ उपत्यका स्थित दरबारमार्ग, माइतीघर, बालकुमारी र जावलाखेल एरियामा आज बिभिन्न कार्यक्रम हुने भन्ने बुझिएकोले उक्त स्थान भई चल्ने सवारी साधनको आवागमनमा प्रभाब पर्ने भएकोले वैकल्पिक सडकको प्रयोग गरी यात्रा गर्न हुन सम्पुर्ण चालकहरुलाई अनुरोध गरिएको छ। थप जानकारीको लागी ट्राफिक प्रहरीको हटलाईन १०३ वा प्रहरीको हटलाईन नम्बर १०० मा सम्पर्क गर्नुहोस्,’  प्रहरीले जारी गरेको सूचनामा उल्लेख छ ।

दरबारमार्गमा सत्तारुढ नेकपा एमालेले शक्ति प्रदर्शन गर्दैछ । माइतीघरमा सहकारी पीडितको प्रदर्शन छ । दुर्गा प्रसाई समर्थकको समेत प्रदशर्नी छ ।