आजको मौसम: केही भूभागमा वर्षाको सम्भावना

काठमाडौं । आज आइतबार कोशी, बागमती र गण्डकी प्रदेशका पहाडी भूभागमा मौसम बदली रही बाँकी भूभागमा मौसम सफा रहने मौसम पूर्वानुमान महाशाखाले जनाएको छ ।

देशभर पश्चिमी वायुको प्रभाव रहनुका साथै पहाडी भूभागमा स्थानीय वायुको सामान्य प्रभाव रहेको महाशाखाले जनाएको छ । आज दिउँसो आंशिक बदली रही बाँकी भूभागमा मौसम मुख्यतया सफा रहने छ।

यसैगरी आइतबार बिहानैदेखि तराई केही भूभागमा हुस्सु लागेको छ। कोशी र गण्डकी प्रदेशका पहाडी भूभागका एक–दुई स्थानमा हल्का वर्षाको सम्भावना रहेको पनि बताइएको छ ।