घरमा भन्दा रेस्टुरेन्टमा बढी खान्छन् सुधीर पराजुली, चिकेन चिल्ली पकाउँछन् (भिडियो)

काठमाडौं । इन्टरनेट सेवा प्रदायकहरुको संस्था तथा सुविसु नेटका अध्यक्ष सुधीर पराजुलीलाई खसिको पक्कु मन पर्छ । पकाउन खासै रुची नराख्ने पराजुली खानामा भने सौखिन छन् ।

चिकेन चिल्ली बनाउन मन पराउने भएपनि बनाएर परिवारलाई खुवाउने मौका भने कहिलेकाहीँ मात्रै मिल्ने गरेको पराजुली बताउँछन् । कार्य व्यस्तताले बिहानै घरबाट निस्कने वा घरकै खाना कुरेर नबस्ने स्वाभावले गर्दा उनी बिहानको खाना घरमा खान भ्याउँदैनन् । त्यसैले त उनको खानापान रेस्टुरेन्टमा बढी हुन्छ । घरबाहिर नै कामको व्यस्ताले धेरै समय बिताउनुपर्ने भएकोले खानपान पनि रेस्टुरेन्टतिरै बढी हुन्छ ।

पराजुली प्रायःजसो एउटै रेस्टुरेन्टमा जान्छन् । आफू जाने रेस्टुरेन्ट सिमित हुने भएकोले सुधीर पराजुलीलाई मन पर्ने खानाको स्वादसमेत उनी जाने रेस्टुरेन्टले बुझिसकेका छन् ।

उनलाई खानामा नेपालीले दैनिक खाने दालभात नै नियमित चाहिन्छ भन्ने चाहीँ छैन् । उनलाई खानामा पास्ता र सिजलर मन पर्छ । मःम खानमा भने रुची राख्दैनन् ।

घरबाहिर गएर खाने खानामा उनलाई चाइनिज खाना निकै पन पर्छ । चाइनिज खाना खानकै लागि बेला बेला ठमेलका चाइनिज रेस्टुरेन्ट छिर्ने गरेका हुन्छन् । पराजुली थाई, जापानिज, इन्डियन सबै खाना उत्तिकै मन पराउँछन् ।

क्लिकमान्डुसँगको कुराकानीमा पराजुलीले दशैंमा टीका लगाएर सबैलाई सय रुपैयाँ दिने गरेका छन् । उनले भने ‘अहिलेसम्म १०५ रुपैयाँभन्दा बढेको छैन । पैसाको महत्व भन्दा पनि दशैं पराम्परालाई बढी महत्व दिने गरेको छु ।’

दशैंको बेलापनि इन्टरनेट सेवामूलक व्यवसाय भएकोले कार्यालय नियमित झैं चलिरहेको हुन्छ । त्यसैले दशैंको बेलामा काठमाडौैं बाहिर वा विदेश भ्रमणमा जान भने उनले रुची देखाउँदैनन् । पराजुली भन्छन्, ‘काठमाडौंमा बस्दा आँगन नभएको घरमा हुर्किएकोले चंगा उडाउन नै सिकिएन भने पिङ खेल्न पनि त्यति धेरै खेलिएन ।’

प्रस्तुत छ, उनै पराजुलीसँग क्लिकमान्डुका लागि राजु बास्कोटाले गरेको कुराकानीः