एक्स्पेङ जी ६ एसयुभी दशैंअघि नै नेपालमा पाइने

काठमाडौं । सीजी मोटर्सले नेपालको लागि पहिलो चरणका एक्स्पेङ सवारी साधनहरूको आगमनको घोषणा गरेको छ। धेरै प्रतीक्षित एक्स्पेङ जी ६ आगामी दशैंभन्दा पहिले नै वितरण गर्ने सीजीले घोषणा गरेको छ ।

एक्स्पेङ जी ६ बुक गरेका ग्राहकहरूले दशैं भन्दा अगाडि नै गाडि प्राप्त गर्नसक्ने लक्ष्य राखेर यी सवारी साधनहरू चीनबाट पठाइसकिएको र छिट्टै नेपालमा आउने अपेक्षा गरिएको एक्स्पेङले जानकारी दिएको छ ।

सीजी मोटर्सले प्रारम्भिक पूर्वानुमानभन्दा धेरै बुकिङ गर्न सफल भएको पनि जनाएको छ । जसले एक्स्पेङको स्मार्ट ड्राइभिङ प्रविधि जस्तै स्वचालित ड्राइभिङ, अल्ट्राफास्ट चार्जिङ, ५०:५० लोड रेसियो र SEPA 2.0 प्रति बढ्दो विश्वासलाई झल्काउँछ। सीजी मोटर्सले ग्राहक सेवा प्रदान गर्ने र वितरण समयमा नै सुचारु गराउने प्रतिबद्धता जनाएको छ।