झ्याप्ले खोलामा भेटियो १० शव, पुरिएको बस निकालिँदै

काठमाडौं । पृथ्वीराजमार्ग अन्तर्गत धादिङको नागढुंगास्थित झ्याप्ले खोलामा पुरिएको अवस्थामा थप ७ शव फेला परेको छ ।

यसअघि विहान ३ जनाको शव निकालिएको थियो ।

पुरिएका गाडीबाट अहिलेसम्म १० जनाको शव निकालिएको छ । प्रहरीका अनुसार आइतबार ८ पुरुष र २ महिला गरी १० जनाको शव निकालिएको हो ।

झ्याप्ले खोलामा हिजो दुईवटा बस पुरिएको अवस्थामा फेला परेका थिए । ती बसबाट १४ जनाको शव निकालिएको थियो ।

शनिबार बिहान पहिरो जाँदा झ्याप्ले खोलामा माइक्रो बसहरु पुरिएका थिए । पहिरोबाट निकालिएको एउटा माइक्रो बसबाट ५ वटा शव निकालियो भने अर्को बसबाट ९ जनाको शव निकालिएको प्रहरीले जनाएको छ ।

पहिरोमा पुरिएका दुईवटा माइक्रो बसमध्ये एउटा माइक्रोको नम्बर लु १ ज ४५७८ खुले पनि अर्को यात्रुवाहक माइक्रोको नम्बर खुलेको छैन । दुबै माइक्रो बस र बसहरु एक्साभेटरको सहायताले निकालिएको थियो । दुई वटा माइक्रोबसबाट यात्रु निकालिए पनि उनीहरुको पहिचान भइसकेको छैन ।