मर्मतमा गएको निगमको एउटा वाइडबडी आगामी साता काठमाडौं आइपुग्ने

काठमाडौं । नेपाल वायुसेवा निगमको २ महिना अगाडि नै मर्मतमा गएको एयरबस ए३३० को ९एन एएलवाई नामकको जहाज आगामी साता आउने भएको छ ।

वायुसेवा निगमका कार्यकारी अध्यक्ष युवराज अधिकारीले जहाजको इन्जिनबाहेकको सबै जाँच (सीचेक)का लागि ९ असारमा इटली गएको जहाज अगामी साता आउने जानकारी दिए ।

अधिकारीले अर्को वाइडबडी भने भर्खरै इटली पुगेको बताए ।

जहाज मर्मत गर्ने कम्पनीले दिन्छु भनेको समयमा जहाज दिन नसक्दा जहाज उडानको तालिका मिलाउन समस्या भएको र तोकिएको समयमा पनि नआइपुगेको उनको भनाइ छ ।

निगमसँग अन्तर्राष्ट्रिय उडानका लागि भएका ४ वटा जहाजमध्ये हाल २ वटा वाइडबडी मर्मतमै रहेको छ भने दुई वटा न्यारोबडी मात्रै उडानमा छ ।