प्रभु बैंकका ग्राहकलाई बुध्द एयरमा छुट

काठमाडौं । प्रभु बैंकका कर्मचारी तथा ग्राहकवर्गहरुलाई बुध्द एयरको सेवामा विशेष छुट दिने सम्झौता भएको छ ।

एक समारोहबीच सम्पन्न सम्झौतामा प्रभु बैंकका तर्फबाट चिफ म्यानेजर सन्जय राज पाण्डे र बजार व्यवस्थापक दिना चित्रकार तथा बुद्व एयरको तर्फबाट निर्देशक रुपेश जोशी र वरिष्ठ व्यवस्थापक उद्धव लाल कायस्थले संयुक्त रुपमा हस्ताक्षर गरेका हुन् ।

सम्झौता अनुसार प्रभु बैँकका कर्मचारी तथा ग्राहकले बैंकसँगको आबद्धता प्रमाणका आधारमा बुद्व एयरको उपलब्ध सेवामा ८ प्रतिशत छुट प्राप्त गर्नसक्ने बैँकले जनाएको छ । बुद्व एयरले आफ्ना टिकट बिक्री काउन्टरबाट टिकट खरिद गर्दा उक्त छुटको व्यवस्था गरेको छ ।

२०५३ साल वैशाख ११ गते स्विकृति प्राप्त गरी २०५४ आश्विन २५ गतेबाट उडान सुरु गरेको बुद्व एयरले हाल आन्तरिक उडानका साथै भारतको बनारससम्म पनि आफ्नो सेवा विस्तार गरेको छ ।

ग्राहकहरुको रोजाइमा अग्रणी बैंकको रुपमा रहेको तथा “बैंक अफ द इयर २०२३” को उपाधिबाट सम्मानित प्रभु बैंकका नेपालभर ३ सय १५ शाखा कार्यालयहरु, २ सय ८६ एटीएम साथै ६९ एक्सटेन्सन काउन्टर मार्फत करिब ३१ लाखभन्दा बढी ग्रहकलाई सेवा दिँदै आएको छ ।