गुराँस लघुवित्तको नाफा १४४९.११ प्रतिशतले बढ्यो, खराब कर्जा घट्यो

काठमाडौं । गुराँस लघुवित्त वित्तीय संस्थाको नाफा १४४९.११ प्रतिशतले बढेर २ करोड ५९ लाख ६३ हजार रुपैयाँ पुगेको छ ।

गत आर्थिक वर्षको चैत मसान्तसम्म कम्पनीको नाफामा उछाल आएको हो । अघिल्लो आर्थिक वर्षको सोही अवधिमा कम्पनीको नाफा १६ लाख ७६ हजार रुपैयाँ मात्रै रहेको थियो ।

यो अवधिमा कम्पनीको खुद ब्याज आम्दानी र सञ्चालन बढ्दा नाफामा बढोत्तरी देखिएको हो । खुद ब्याज आम्दानी ४७.९४ प्रतिशतले बढेर ८ करोड २८ लाख ८१ हजार रुपैयाँ पुगेको छ । अघिल्लो आवको सोही अवधिमा ५ करोड ६० लाख २५ हजार रुपैयाँ रहेको थियो ।

यस्तै सञ्चालन नाफा १४१८.२४ प्रतिशतले बढेर २ करोड ५९ लाख ६३ हजार रुपैयाँ पुगेको छ । अघिल्लो आवको सोही अवधिमा २३ लाख ७४ हजार रुपैयाँ रहेको थियो ।

कम्पनीको निक्षेप १३.१४ प्रतिशतले बढेर ३४ करोड ९४ लाख ६ हजार रुपैयाँ पुगेको छ भने कर्जा प्रवाह ३७.२३ प्रतिशतले बढेर १ अर्ब ६८ करोड १७ लाख ३२ हजार रुपैयाँ पुगेको छ ।

१० करोड १४ लाख रुपैयाँ निक्षेप रहेको कम्पनीको जगेडा कोषमा ४ करोड ७१ लाख ६८ हजार रुपैयाँ रहेको छ ।

कम्पनीको खराब कर्जा ३.९० प्रतिशतले घटेर २.४६ प्रतिशत रहेको छ । कम्पनीको प्रतिसेयर आम्दानी २५ रुपैयाँ ६१ पैसा र प्रतिसेयर नेटवर्थ १४६ रुपैयाँ ५२ पैसा रहेको छ ।