उड्नासाथ यसरी दुर्घटनामा परेको थियो सौर्य एयरको विमान (भिडियो)

काठमाडौं । बुधबार विमान पोखरा जान लागेको सौर्य एयरको विमान दुर्घटनामा परेको छ । विमान त्रिभुवन अन्तर्राष्ट्रिय विमानस्थलबाट उड्नासाथ दाहिनेतिर मोडिएर भुइँमा बजारीएको र आगोलागेको भिडियो फुटेजहरु सार्वजनिक भएको छ ।

सौर्य एयरका कर्मचारी र इन्जिनियर लिएर पोखरा जना लागेको विमान उडेको केही सेकेन्डमै दुर्घटनामा परेको हो । विमानमा दुई चालक दलका सदस्यसहित १९ जना रहेका थिए ।

नेपाल नागरिक उड्डयन प्राधिकरणले सौर्य एयरको विमान दुघर्टनामा १८ जनाको शव निकालिएको जनाएको छ ।

प्राधिकरणले विज्ञप्ति जारी गर्दै १८ जनाको शव संकलन गरिएको र एक जना घाइतेलाई उद्धार गरि अस्पताल लगिएको जनाएको हो ।

नेपाल नागरिक उड्डयन प्राधिकरण खोज तथा उद्धार समन्वय केन्द्रले जारी गरेको विज्ञप्तिमा बुधबार सौर्य एयरको सीआरजे७ जहाज काठमाडौंबाट स्थथानीय समय अनुसार ११ बजेर ११ मिनेटमा पोखरा उडानका क्रममा उड्ने वित्तिकै दाहिनेतिर मोडिन गई रनवेको पूर्वतिर रहेको स्थानमा दुर्घटनाग्रस्त हुन पुगेको, तत्कालै उद्धार कार्य सुरु गरी आगो नियन्त्रणमा लिइ १८ जनाको शव संकलन गरिएको तथा १ जना घाइतेलाई उद्धार गरि अस्पताल पुर्‍याइएको जानकारी गराइएको छ ।