सीजी मोबाइल्सले ल्यायो नथिङ ब्रान्डका नयाँ स्मार्ट वाच र इयरबड

काठमाडौं । सीजी मोबाइल्सले नथिङ ब्रान्डका नयाँ स्मार्ट वाच र इयरबड नेपाली बजारमा ल्याएको छ । नेपालका लागि नथिङको आधिकारिक वितरक सीजी मोबाइल्सले ‘बड्स प्रो इयरबड र ‘वाच प्रो’ स्मार्टवाच सार्वजनिक गरेको हो ।

सार्वजनिक भएको विशेष अवसरमा कम्पनीले दुबै उत्पादनमा ५०० रुपैयाँ छुट दिएको छ । वाच प्रोको बजार मूल्य ११ हजार ९९९ रहेकोमा ग्राहकले ११ हजार ४९९ रुपैयाँमै खरिद गर्न सक्नेछन् । त्यस्तै ८ हजार ९९९ बजार मूल्य रहेको बड्स प्रो इयरबड ८ हजार ४९९ रुपैयाँमा खरिद गर्न सकिनेछ ।

कस्तो छ वाच प्रो ?

१.९६ इन्च एमोलेड डिस्प्ले रहेको यो स्मार्टवाचको रेजोलुसन ४१०*५०२ पिक्सेल रहेको छ । यसमा ६०० निट्स ब्राइटनेस पाउन सकिन्छ भने ५८ एफपीएसको रिफ्रेस रेट रहेको छ । ब्लुटुथ कलिङ सुविधा भएको यो स्मार्टवाचमा एआई न्वाइज रिडक्टसन फिचर दिइएको छ । ब्लुटुथ कल मात्र गर्ने हो भने यसको ब्याट्री १८ घण्टासम्म टिक्ने कम्पनीको दाबी छ । ३४० एमएएच क्षमताको ब्याट्री भएको यो स्मार्टवाच सामान्य प्रयोगमा १३ दिनसम्म टिक्ने बताइएको छ ।

यसमा भ्वाइस असिस्टेन्ट, माइक्रोफोन र स्पिकर पनि समावेश छ । यो स्मार्टवाचमा स्याटलाइट पोजिसनिङ सिस्टम जीपीएस पनि दिइएको छ । स्लिप, स्ट्रेस र एसपीओटु समेत मनिटर गर्न सक्ने यो स्मार्टवाचमा ११० वटा स्पोर्ट्स मोडहरू रहेका छन् ।

कस्टम डिजाइन राख्न सकिने यो स्मार्टवाचले आईपी ६८ वाटर रेसिस्टेन्स रेटिङ पाएको छ । अलवेज अन डिस्प्लेको सुविधा रहेको यो स्मार्टवाचमा हेल्थ मनिटरिङ सिस्टम पनि छ । त्यस्तै यसमा मौसम पूर्वानुमान, फाइन्ड माई डिभाइस, फाइन्ड माई वाच, क्यामेरा कन्ट्रोल, फ्ल्यास लाइट, फोन म्युजिक कन्ट्रोल लगायतका फिचर पाउन सकिन्छ ।

सीएमएफ बड्स प्रो

यस इयरबडमा ४५ डेसिबलको हाइब्रिड एक्टिभ न्वाइज क्यान्सिलेसन र विन्ड न्वाइज रिडक्सनको सुविधा छ । इयरबडमा टच कन्ट्रोल सेन्सर पनि छ । यसबाट कल उठाउन, काट्न र म्युजिक फर्वार्ड गर्न सकिन्छ । अल्ट्रा बेस प्रविधि राखिएको यो इयरबड्स १० मिनेट चार्ज गर्दा पाँच घण्टासम्म प्रयोग गर्न सकिने कम्पनीले बताएको छ । यस्तै एक पटकको फुल चार्जमा यसलाई ३९ घण्टा प्रयोग गर्न सकिने बताइएको छ ।

स्पष्ट आवाजका लागि यसमा ६ वटा एचडी माइक र क्लियर भ्वाइस प्रविधि राखिएको छ । ब्लुटुथ ५.३ भर्सनमा आधारित यो इयरबडले आईपी ५४ रेटिङ पाएको छ । च्याटजीपीटी समेत समावेश रहेको सीएमएफ बड्स प्रोमा एआईसँग कुरा गर्न र एआईले भनेका कुरा सुन्न सकिन्छ । गुगल फास्ट पेयर, माइक्रोसफ्ट स्विफ्ट पेयर र इन-इयर डिटेक्सनको विशेष सुविधा पनि यसमा पाउन सकिन्छ । यो इयरबड प्रयोग गर्न नथिङ एक्स एप इन्स्टल गर्नुपर्ने हुन्छ ।