अनरको म्याजिक एआई क्यामेरा फोन ‘म्याजिक सिक्स प्रो’ को बुकिङ खुला, मूल्य पनि घोषणा

काठमाडौं । अनर म्याजिक सिक्स प्रोको बुकिङ खुलेको छ । नेपालमा अनरको आधिकारिक विक्रेता सेलट्रन नेपालले आजदेखि खुलेको बुकिङ मे ३१ सम्म जारी रहने जनाएको छ ।

अनर म्याजिक शृंखलाको फ्ल्यागशिप लाइनअपमा सबैभन्दा नयाँ म्याजिक सिक्स प्रो प्रि-अर्डरको लागि उपलब्ध भएको हो ।

म्याजिक प्रोले जसले फोटोग्राफी, डिस्प्ले, कार्यसम्पादन, र एआई-सञ्चालित प्रयोगकर्ता अनुभवहरूमा राम्रो तारिफ बटुलेको छ । बुकिङ गर्दा आकर्षक उपहार र अफर दिइने कम्पनीले जनाएको छ ।

फोन कालो र एपी ग्रीन रंगमा उपलब्ध हुनेछ । फोन १२+५१२ जीबी भेरियन्टमा उपलब्ध हुने छ । फोनको मूल्य १ लाख ५९ हजार ९ सय ९९ रूपैयाँ तोकिएको छ। म्याजिक सिक्स प्रोको प्रि-अर्डर गर्ने ग्राहकले २१ हजार ९ सय ९० रूपैयाँको अनर वाच ४ निःशुल्क प्राप्त गर्नेछन् साथै भीआईपी कार्ड पनि प्राप्त हुनेछ । फोनमा १ वर्षका लागि निःशुल्क सेवा, अनर मोडेलमा छुट र अन्य धेरै सुविधाहरू समावेश छन् । ग्राहकहरूले यो फोन अफलाइन रिटेल स्टोरहरू र दराज र हुकुटजस्ता अनलाइन प्लेटफर्ममार्फत पनि खरिद गर्न सक्ने कम्पनीले जनाएको छ ।