सूर्यज्योति लाइफ इन्स्योरेन्सको नाफा ३३.८९ प्रतिशतले बढ्यो

काठमाडौं । सूर्यज्योति लाइफ इन्स्योरेन्स कम्पनीले चैत मसान्तको वित्तीय अवस्था सार्वजनिक गरेको छ ।

नौ महिनाको अवधिमा कम्पनीको नाफा ३३.८९ प्रतिशतले बढेर २९ करोड ५४ लाख ३३ हजार रुपैयाँ पुगेको छ । गत आवको सोही अवधिमा कम्पनीको नाफा २२ करोड ६ लाख ५२ हजार रुपैयाँ रहेको थियो ।

कम्पनीको खुद बिमा शुल्क आर्जन ३८.६८ प्रतिशतले बढेर ६ अर्ब ३७ करोड ४४ लाख ५ हजार रुपैयाँ पुगेको छ । यस्तै‌ कुल बिमा शुल्क आर्जन ६ अर्ब ५२ करोड ३८ लाख रुपैयाँ पुगेको छ । गत आवको सोही अवधिमा ४ अर्ब ७३ करोड ४३ लाख रुपैयाँ रहेको थियो।

कर्जा तथा लगानीबाट हुने आम्दानी ६१.९६ प्रतिशतले बढेर २ अर्ब २८ करोड ५० लाख ६० हजार रुपैयाँ पुगेको छ । कम्पनीको कुल आम्दानी ४४.१९ प्रतिशतले बढेर ८ अर्ब ८९ करोड ५६ लाख १४ हजार रुपैयाँ पुगेको छ ।

कम्पनीको चुक्ता पुँजी ४ अर्ब ५४ करोड ५५ लाख ७२ हजार रुपैयाँ रहेको छ । कम्पनीको महाविपत्ति कोषमा ३४ करोड १७ लाख ६१ हजार रुपैयाँ रहेको छ । गत आवको सोही अवधिमा ३२ करोड ६९ लाख ८९ हजार रुपैयाँ रहेको थियो ।

कम्पनीको जीवन बिमा कोषको आकार ३२ अर्ब २ करोड ७२ लाख ७१ हजार रुपैयाँ रहेको छ । गत आवको सोही अवधिमा २७ अर्ब २९ करोड ९३ लाख रुपैयाँ थियो । कम्पनीको वार्षिक प्रति सेयर आम्दानी ८.६७ रुपैयाँ रहेको छ भने प्रतिसेयर नेटवर्थ १६६.३१ रुपैयाँ रहेको छ।