वारेन बफेटका विश्वास पात्र चार्ली मुंगरको निधन

एजेन्सी । विश्वका सबैभन्दा ठूला लगानीकर्ता वारेन बफेटका विश्वासपात्र चार्ली मुंगरको निधन भएको छ ।

अर्बपति मुंगरको ९९ वर्षको उमेरमा मंगलबार निधन भएको हो । वारेन बफेटको इन्भेष्टर फर्म बर्कसायर हैथवेका अनुसार क्यालिफर्नियाको सान्ता बारबरास्थित एक अस्पतालमा उनको निधन भएको हो ।

बफेटका विश्वास पात्र रहेका मुंगर उनीसँग जोडिनुअघि एक स्थापीत कानुन व्यवसायी थिए । सन् १९५९ मा बफेटसँग जोडिएपछि भने उनी बर्कशायर हैथवेमा उपाध्यक्षको रुपमा काम गरेका थिए । फोर्ब्सको पछिल्लो २०२३ को सूचीअनुसार उनको नेटवर्थ २.६ बिलियन अमेरिकी डलर छ ।