कर्जा र लगानीबाट हुने आम्दानीमा आक्रामक देखियो रिलायबल नेपाल लाइफ इन्स्योरेन्स
303
Shares
काठमाडौं । रिलायबल नेपाल लाइफ इन्स्योरेन्स लगानी कर्जाबाट गर्ने आम्दानीमा आक्रामक देखिएको छ ।
कम्पनीले चालु आर्थिक वर्षको पहिलो त्रैमासमा लगानी तथा कर्जाबाट हुने आम्दानी ५६.५५ प्रतिशतले बढेर ३० करोड ५० लाख ५२ रुपैयाँ पुर्याएको हो । कर्जाबाट हुने आम्दानीसँगै कम्पनीको खुद नाफामा पनि सामान्य वृद्धि देखिएको छ ।
चालु आर्थिक वर्षको पहिलो त्रैमासको वित्तीय विवरणमा कम्पनीको खुद नाफा १.०१ प्रतिशतले बढेर ११ करोड ९४ लाख रुपैयाँ पुगेको छ । अघिल्लो वर्षको सोही अवधिमा खुद नाफा ११ करोड ८२ लाख रुपैयाँ थियो ।
कम्पनीले खुद बिमा शुल्कबाट ९३ करोड ३५ लाख रुपैयाँ आर्जन गरेको छ । असोज मसान्तसम्म आइपुग्दा कम्पनीको चुक्ता पुँजी ४ अर्ब रुपैयाँ छ ।
क्लिकमान्डु
