दोलखाको सिंगटीबाट चार किलो सुनसहित तीन जना पक्राउ

चरिकोट । दोलखाबाट प्रहरीले ४ किलो सुनसहित ३ जनालाई पक्राउ गरेको छ । दोलखाको सिंगटी बजारबाट प्रहरीले ४ किलो सुनसहित उनीहरुलाई पक्राउ गरेको हो ।

उनीहरुलाई गए राती पक्राउ गरिएको जिल्ला प्रहरी कार्यालय दोलखाले जनाएको छ ।

तिब्बती सीमा लामावगर नाकाबाट तस्करीको सुन भित्र्याएको आशङ्का गरिएको प्रहरीले जनाएको छ। बिगु गाउँपालिकाका १ लामावगर तर्फको एउटा नाका चीन सरकारले गत साता मात्र खुलाएको थियो।