सुनको मूल्य प्रतितोला एक सय रुपैयाँले बढ्यो

काठमाडौं । आइतबार सुनको मूल्य प्रतितोला एक सय रुपैयाँले बढेको छ ।

शुक्रबार छापावाला सुनको मूल्य प्रतितोला एक लाख १२ हजार एक सय रुपैयाँ कायम भएको थियो । आइतबार प्रतितोला एक सय रुपैयाँले बढेर एक लाख १२ हजार दुई सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।

त्यस्तै, आइतबार तेजावी सुनको मूल्य एक लाख ११ हजार ६५० रुपैयाँ कायम भएको छ ।

साथै, आइतबार चाँदीको मूल्य प्रतितोला पाँच रुपैयाँले बढेर १४ सय ३० रुपैयाँ कायम भएको छ ।