औद्योगिक व्यवसाय विकास प्रतिष्ठानमा कार्यकारी निर्देशकको लागि आवेदन माग

काठमाडौं । उद्योग, वाणिज्य तथा आपूर्ति मन्त्रालयले औद्योगिक व्यवसाय विकास प्रतिष्ठानको लागि कार्यकारी निर्देशक पदमा नियुक्तिका लागि आवेदन माग गरेको छ । मन्त्रालयले गत शनिबार सूचना जारि गर्दै उक्त पदका लागि आवेदन माग गरेको हो।

मन्त्रालयले सूचना जारि भएको मितिले २१ दिनभित्र नेपाली नागरिकले उक्त पदको लागि आवेदन दिनुपर्ने समयसीमा तोकेको छ । मान्यताप्राप्त विश्वविद्यालयबाट कुनै पनि विषयमा कम्तीमा स्नात्तकोत्तर हासिल गरि उद्योग व्यवसायको क्षेत्रमा ५ बर्षको विशेषज्ञता हासिल गरेको नेपाली नागरिकले उक्त पदका लागि आवेदन गर्न पाउने व्यवस्था गरेको छ ।

३५ बर्ष पुगेर ६५ बर्ष ननाघेको उम्मेदबारले उद्योग, वाणिज्य तथा आपूर्ति मन्त्रालयअन्तर्गतको सार्वजनिक निकायमा पदाधिकारी नियुक्ति तथा मनोनयनसम्बन्धी निर्देशिका २०७८ अनुसार योग्य भएका उम्मेदबारले आवेदन दिन सक्ने व्यवस्था गरिएको छ ।

निर्देशिका अनुसार आवेदनकर्ताले राजनैतिक दलको सदस्यता नलिएको, भ्रष्टाचार, सम्पति शुद्धिकरण, मानव वेचविखन, लागू औषधको कारोबारसहित नैतिक पतन नभएको नागरिकले उम्मेददबारी दिन सक्नेछ ।